'S isch Samschtig vor dr Fasnacht. Zerscht emool wird 's Ladärnegschtell zämmebaut.
Unsers "Komponänte-Syschtem" het sich bewährt und eso wärde denn au jedes Joor
alle Handgriff ygschpilter und professioneller.

'S Geschtell wo bis vor e baar Tag im Käller verschtaubt wird gseht
sit iber emene Joor 's erschti Mool wider Daagesliecht.

Noch knapp 3 Schtund schtooht
's Ladärnegrischt, wo denn morn
mit de Fänschterli no yklaidet wird.

Im Käller und im Gang wird d'Korona vorbereitet.