E Novum in unserer Cliquegschicht:
Es räägnet am Ladärneyypfyyffe us Kibel.
Aber mir leehn is die gueti Luune nit verdärbe.

Am fimfi Zoobe gooht's ab zem Ladärneyypfyyffe.

Dr Wääg fiehrt is daas Joor nit an Rhy. Mir marschiere an Wettschtaiplatz, will mir deerte
fir dr Apéro nääbe dr Kirche kenne unterschtooh.

Zrugg laufe mir denn doch no am Rhy entlang.
D Fäähnli hänn grad s Gaardemass, eso ass mir
unter dr Mittlere Rhybrugg duure kemme. 

Es räägnet immer no in Schtreeme.
Mir wissen aaber, ass dr Petrus e Basler isch
und 's durum moorn am Vieri nimme losst räägne.

'S wird scho dunggel.
'S isch Zyyt fir dr Abschtiig in Cliquekäller.