|
|
E letschte Halt im Cliqekäller vo de Letzitirmler und denn isch d'Fasnacht scho wider verby.
|
|
Was blyyb sinn wie immer vyyle scheeni Erinnerige und a Dangg an alli, wo zu däre tolle Fasnacht bydraiht hänn:
Scho meh
als 19 Schtund isch si vergange.
In
Erinnerige duen i jetzte schwelge
bim aaluege vo de Zytigshelge.
Und scho wider fang i aa plange:
346 Dääg mien
mir warte,
bis mir denn in Goschdym mit Hose
wider ins Picollo kenne bloose
und
au wider uff dr Cortège
kenne starte.
Jetzt aber
meecht ich Eych Danggscheen saage,
denn
ohni e jedi und e jede vo eych alle
würd
d Fasnacht mir nid eso guet gfalle.
(Iber
d Fasnachtsbräschte
dien mir jo nid klaage.)
Vorne im Zug meecht i mit em Dangg afoo.
D Erika het wien e Bitz yygschlage
und
dr Marcel mit Hächtsprung grettet der Ladärnewaage.
Jetzt meecht i e Stigg wyyter hindere goo:
Dr Ladärnechauffeur
het sich zem Gligg fir uns duurebisse
und
duet uns d' Ladärne
bim presentiere
mit
Gschigg durch d Lyt duure manövriere
und
het d Schnäädis
durum au mit uusegrisse.
Wyyter hinde den gheert me s pfyffe,
wo
wie immer während de drey Dääg
heerrlig duet aaneryffe.
D Sabine isch en enormi Verstergig
nid nur uff dr Gass sondern au im Hotel Basel am Zyschdig.
Bim
Pfyffe uff em Cortège
und durch d' Gasse
deehnts jetzt scho wie ne greesseri Pfyffermasse
Und trotz ‚Raucherhueschte' het d' Coni uns wie immer hälfe
welle
kasch bis am Donnschtig
fir's Zaale vom Morgenässe uff si zelle.
Bim Unggle Sam trillerets jetzt vorne linggs mit ere Zierstimm!
Dangg dr Inge isch dr Sam bi uns e Star und e Niete nimm.
In dr zwaite Raie hänn
d'Esthi und d'Yvonne de kalte Finger trotzt
und
gholfe, ass s Schnäädi-Vetraue
richtig strotzt.
Last but not least bloose in dr hinterschte Reihe
ins Schreyholz d Brigitte und dr Andri
und eso ka's denne sy,
ass es dehnt wie Muusig und nit wie s Schreye vo Kraie.
Durum also het's mir eso guet gfalle
und due mi scho jetzt ans Datum vom 14.2.05 kralle!
I
winsch mir und bätt
zer Frau Fasnacht,
ass
es a näggscht
Joor wider eso vyyl Spass macht.
So blybt mir nur no eins -
E Hoor in dr Suppe find ich keins!
I meecht mi bedangge bi eych alle
und
hoff, eych haigs ähnlich
guet gfalle.
Danggscheen! und erholet eych vom Rummel
Mir gsehn is speeteschtens am Fasnachtsbummel.
Denn mache mir is e letschsts Mool uff dr Fasnachtskurs!
Bis
denn winsch ich eych alles Gueti – dr Urs
 |
 |
