Wyyter gooht's denne vo dr Mäss Basel iber d' Wettstaibrugg an Picassoblatz.
Deerte hänn mir Zyyt zem au ebbis vom Cortège z'gseh.
Zwai scheeni Waggis.
Die Junge Aagrfässene Olympionike.
Und hinde draa kemme grad d' Kloschterfraue vom Aagfrässenen Stamm.
Dr Indianer-Stamm vo de Schurebegge.
Uff dr andere Stroossesyte gsehn mir d' Ladärne vo dr Olympia und vo dr Alte Garde vo dr Rätz.
Die Näggschte, wo kemme sinn d' Junteressli.
D Goschdym vo de Junteressli hänn's in sich: Vo vorne sinn's bravi Schwyyzer und vo hinde Weelf.
Mit de Seibi Mysli, wo sich den Alltagssorge mit irem Sujet widme, kunnt d' Sunne.
Ebbis, wo im Momänt numme an dr Fasnacht meeglig isch: Em
Behring schyynt Basler Sunne uff's Gsischt.
E weeneli speeter kemme d' Pfäffi.
Dr Lälli Stamm.
Nonemol e Waggis.
Als näggschts kunnt dr Zug vo de Stainlemer.
Aimool meh e Stainlemer-Sujet, wo polarisiert.
Wenn me d' Stainlemer am Morgstraich am Märtplatz oder in dr Freye Strooss
geheert, wurd me sich winsche, ass si au wiider emool mit Drummle und Piccolo e
Cortège wurde beschriite.
Ains isch aber sicher: D' Stainlemer sinn no fscht die Ainzige, wo Sujet wirklich kritish und bissig ussspiile kenne.
Zem Schluss kemme none baar Zwärgli und e Clique mit aim vo de Sujetrenner: Em Verhältnis vo der Schtadt und der Landschaft.
 |
 |
 |