No hängge e paar Wolgge iber
dr Stadt.
Und d Schneehiife uff em Kasärneplatz hänn wirgglig drey Wuche jedem Wätter
trotzt.
Si sinn die letschte Räschte vo dr Fasnacht.
Wie sichs gheert dräffe mir uns am Bahnhof fir dr Bummel.
Alli sinn gspannt, wo s aane gooht.
Und es gooht NID uff s Perron sonder in e Riimli vis à vis vom Bahnhof fir Gipfeli und Kaffi.
Glyy am Aafang wird s Bummelabzaiche mit emene Kommentar vorgestellt ...
und druff aabe studiert.
S het no Gipfeli und bald au mit e paar technische Tricks gits au no gnueg Kaffi.
Und denn goohts ebbe doch uff s Perron vom Bahnhof.
Mir faahre Richtig Noorde.
Daas ka me vom Bahnhof numme, wenn me ins Elsass fahrt.
E paar sinn mied, anderi dien sich unterhalte ...
... und die jiingeri Generazion setzt sich mit de verschiidene Handy-Type ussenander.
In de Vogeese sehts no winterlig uss.
Nach ere knappe Stund Zugfahre dräffe mir am Bummelzyl yy: In Colmar - dr Wyhauptstadt vom Elsass.
Die erscht Streggi bis zem Rand vo dr Altstadt leege mir zrugg ohni z drummle und z pfyffe.
Denn heissts aber doch yystooh.
Und mit den erschte Deen, fooht au d Sunne schyyne.
E draumhafti Kulisse fir e Bummel.
Je meh d Sunnestrahle drugge, je wärmer wirds.
Und vor em Restaurant isch es denn scho richtig warm.
Mir sinn im Koifhuus - ener richtige Elsässerbeiz, was d Embience und ...
... Menüusswahl aabetrifft.
Zwaimool Lisbeth uff aim Bild. Wo isch die zwaiti?
S Ässe macht nervees...
... und dr Wyy loggeret wider.
Es isch Summer in Colmar!
Fantastischs, fascht z warms Wätter und tolli Zueschauer.
Doo muess me s Gässle
ussnitze.
Und au daas vom letschte Joor no komnpensiere, wo jo em ene Schneesturm zum
Opfer gfalle isch.
Colmar - E Stadt mit vyl Charme.
Daas sinn immer no Bilder vom
Bummel und noonig vom Eidgeneessische.
Trotzdäm hoffe mir, ass au denn s Wätter eso toll isch wie am Bummel.
Nonemol gits e Hlat zmitts in dr Stadt.
Summerwätter bediidet Glacezyyt.
Und die erschti Glace in däm Joor muess nadyrlig au die greeschti sy.
S gooht zrugg zem Bahnhof.
Lang mien mir uff dr Zug nid
warte.
Wenn nid gstreiggt wird, sinn d Ziig im Frankrych pinggtlig.
Uff em Wääg nach Basel.
Vor em Marsch in d Stadt mien mir nonemol dr Durscht lesche.
Muet aadringge wär au no aagsait, nur wenig wisse nämmlig, was als näggschte Heehepunggt uff is wartet.
D Elisabethestrooss durabb
gohts richtig Innestadt.
Und denn passierts: Mir laufe nid iber dr Minschterplatz und nid dr Theaterbärg
durab:
Nach meh als fimf Joor biege mir in d Freye Strooss yy.
Linggs und Rächts steehn d Zueschauer bi dämm Wätter in Fimferreihe Spalier.
S het meh Lyt in dr Stadt als an dr Fasnacht.
D Freye Strooss leehn mir am Barfi Revue passiere.
D Zyt rennt: Scho hänn mir dr letscht Halt am Rimmeliblatz.
Punggt zähni isch ändgyltig Schluss - obwohl s nit alli wänn wohr haa.
Trotzdäm isch dr Bummel no
lang nonig verby.
Denn wie die ganzi Fasnacht nitze mir au dää optimal uss im Stadthof und speeter
vor em Hotel Basel.
Am 26.2.2007 goohts denn
wider loos.
Und näggscht Joor wird s neye Drey Keenig wider eins vo de Fasnachtszentre sii.