Frieh im Jänner isch es im Cliquekäller in die heissi Phase vo de Fasnachtsvorberaitige gange.
Dr Faade, dr Klett und d Guufe sin ebeso barat glääge...
wie d Najmaschiine.
Im Grund gnoh isch dr Cliquekäller fir e baar Wuche zumene ächte
Najmaschine-Museum worde.
Me het Modäll uss de letschte Johrzähnt kenne aaluge und druff naje.
Scho bald nach em Zueschnyyde und em gifele, hän d Maschine aafoo surre.
Und scho bald sinn erschti Hosebai und Ärmel entschtande.
Spitze sinn daas Joor bsunders gfrogt gsi.
'Wo ghoblet wird fliege Speehn' oder 'Wenn gschafft wird,
gits Hunger'.
Fasnachtstypischi Verpflägig isch immer wider barat glääge.
E Bild mit Sälteheitscharakter:
No suuberi Hosebai und en ahnigsloose Täter.
Und das ischs Corpus delicti:
Dr Yvonne irii Hose wärde daas Joor e liicht reetlige Stich ha und e bitz an d
Wiehnacht erinnere.
Uff d Goschdymaaproob folgt gly druff aabe...
d Larvenaaproob im Larveatelier.
No ka me schweer verroote, was fir Keepf uss däne wysse Forme wärde entstooh.
Villicht s letscht Mool brobiert d Erika e Vordrääblerlarve aa.
Zrugg im Cliquekäller bi de Goschdym:
Längst ächt oder mien mir no Iberschtunde bis an d Fasnacht mache?
Was nit under d Maschine gooht muess ebbe vo Hand gmacht wärde.
Wider en Aaproob.
Bald setts basse.
D Pfyfferkittel in verschiidene Fortschrittsstadie.
Und nonemol en Aaproob.
D Verpflägig wird immer exquisiter und d Najmaschine bruuchts gly nimme.
S gooht scho ans Uffruume.
Und dr Andri offebaart wider eins vo siine bis jetzt verborgene Talänt.
Die letschti Najschtund: D Fasnacht ka koh!