Das Joor isch e ganzi Schnääderdelegazion
uff Luzärn greist, zem an dr Fasnachtsluft z'schnuppere.
Tradizionell schtartet der Monstercorso mit em Dambuureverein Luzärn, wo als
ainzige Grubbe in Luzärn duet drummle und pfyffe.
Und scho präsentiert sich dr erschte
Guggezug.
Z'vorderscht isch dr Guggemajor, denn kunnt dr Noochwuggs...
... und z'letscht d Musigg.
E farbefrohe Zug!
Ain vo miine Favorite in däm Joor:
E Gugge mit ägyptischem Süschee - dr Tut losst griesse.
E Horde Zwärg.
Ain vo de üppig goschdymierte Ziig:
Alles Keenig.
Und doo kemme d Schuelbuebe und Schuelmaitli.
Dr Mozart deerf im Mozartjoor nadyrlig au nid fähle.
D Vikinger kemme als mythologischi Faabelwääse.
Doo en eiäugige Zyklop.
E baar Gugge-Impressione
E zwaite Zug, wo mir bsonders gfalle het:
Süschee: Dr Winter und dr Summer - uff s Zwaite warte mir.
D Cowboys kemme.
Und jetzt none groossi Horde vo Inder uss Bollywood.
Dr Räsch vo dr Baasler Delegation isch
aakoh.
Und nach langem Sueche hänn mir in dr verstopfte Innestadt e Blatz gfunde, wo
mir alli ebbis gsehn.
Deer gsehn mir als erschts d Asterix mit allne siine Frind - au de Reemer.
Süüschee: Darts - toll umgsetzt.
E super Ainzelmassgge.
Und jetzt kemme die zaristische Russe.
E super Guggemajor: D Larve isch fasch so gross wie dr Major sälber.
Au e luschtigi Umsetzig:
Dr Don Kinge mit siine Boxer.
Und d Haase schtimme uff dr Herrenoobe yy.
Au wenn's doo nid eso ussgseeht:
Wie sich's gheert, hänn d Luzärner Wättergligg gha.
Während's rund um d Schtadt schneegstirmt het, het's in Luzärn nur zweimol fimf
Minute vom Himmel gschneyt.
Usserirdischi Larve aber scheen.
Nach de Russe kemme jetzt d Chineese.
Zem Schluss kunnt nonemol e Gugge mit grandiose Larve.
Uff em Wääg zrugg zem Bahnhof mache mir
none Abstächer zu aim vo de Woohrzeiche vo dr Luzärner Fasnacht:
Em Fritschi-Huus
Und linggs hets sogar en ächte Blätzlibajass!
D Reisegruppe verabschiidet sich uss Luzärn.