Dr Täggscht folgt nach dr Fasnacht!
Vyyl z'schnäll isch dr
Morgestraich fertig gsi, obwohl mir ihn daas Joor bis kurz vor em Mittag richtig
ussgnützt hänn.
Am halbi zwai hänn mir uns im Zugsgoschym vo däm Joor vor em Cliquekäller im
immer no winterliche Basel troffe.
Kurz vor em Yystooh am
Claraplatz denn dr Schregg:
Dr Schnee het au unsere Ladärnewaage nit ganz unbeschädigt gloh.
S kältetechnische Inscheniöör-Team het kurzerhand a Wöörkaraund entwigglet, zum no greessere Schaade abzwände.
Und die Leesig het denn auch problemloos die ganzi Fasnacht ghebt und würd au no die näggschte zäh Joor heebe.
Mit Verspeetig het's denn doch no unseri tradizionelle Gruppefeeteli gäh.
Nid eso riibigsloos wie
anderi Joor hänn mir dr Cortège aafoo bewältigi.
Unterwäggs het's au noonemol kurz gschneyt.
Aber ab em Vieri het's Wätter sich aafoo beruehige und am Piccassoplatz hänn mir in dr Pause sälber dr Cortège kenne gniesse.
Dangg de Seibi, wo grad hinter uns gloffe sinn, hänn sich unseri Pfyfferinne sogar uffe emene Stuehl kenne ussruehie.
Grossi und Glaini, ...
... Wääge, Stammclique und Chääse, ...
... Jungi und Alti Garde sinn bi uns verbygloffe und hänn d Fasnacht aifach gnosse.
Doo e wunderscheene Chineese-Waage.
D CCB-Taucher-Drummler.
Und aimool mehr fiehrt dr Tamiflu-Zug vo den Alte Stainlemer zu kontrovärse Diskussione.
E Prachtszug isch im Aamarsch:
Dr Lälli-Stamm setzt neyi Maassschtääb:
D Narre uuss dr ganze Wält hänn mir 'herein gelasse'.
Vermisst han isch numme d Sambatänzerinne uss Rio.
Ganz z'hinterscht nach aagäblich iber zweihundert Meter isch denn no s Lälli-Spiil koo...
... und ganz am Schluss no dr Waage.
D Spoorepeter mit ere tolle Ladärne.
Und zem Schluss no e neye Gruppierig: 1884. S Resultat vonere Cliquespaltig, wo s im Summer bis in d Zytig gschafft het.
Nach em sibenii z'oobe het's denn im Europe ändligg ebbis zwische d Zeehn gäh.
Und will d Pirate daas Joor an dr Fasnacht inn sinn gsi, het me bis uns au en Oberpirat erkoohre und gschmiggt.
And(e)ri het die Äggschen nid kenne iberziige.
Mändig z'oobe bediitet: D Ladäärne an dr Ladärneusstellig z'parkiere.
Und in ere herrlige Winterlandschaft het me s erschti Mool die beliichtete Kunschtwärgg kenne go bewundere.
D Ladärne vo de Pfälzler.
Und doo e paar Stammladärne:
Vo dr ARI, de Giftschnaigge
und unde vo de Wiehlmys und dr Breo.
Daas isch nid di Schneebar z'Zermatt sondern d Verpfläägigszält uff em Minschterplatz.
Jedes Joor duet's mir d Ruggsyyte vo dr Ladärne vo de Schnooggekerzli bsunders aa.
Aifach toll: Scho die Ladärne wär en Argumänt zem d fasnacht mindeschtens ai Daag z'verlängere.
Wyter goohts mit de Ladärne
vo dr VKB - Alti Grade, dr Sans Gêne,
de Verschnuufer und d Pierrot.
Vor em Minschter isch (uff em
rächte Bild) die Gaschtladärne vo däm Joor ussgstellt gsi:
D Ladärne vo dr Rootstaab-Clique uss Lieschtel vo sich mit dem Dupf-Club an dr
Fasnacht widerverainigt hänn.
D'Easy-Ladärne vo de Optimischte und nääbe d Invitro-Ladärne vo de Bebbi.
Noonemol e Hampfle: vo dr
BMG, dr Olympia,
dr Wettstai und em ainzige Kunschtwärgg, wo s ganz Joor doo stooht: Em Minschter.
Daas isch Ladärneussstelligsidylle.
D Kunschtwärgg vo de Basler Rolli und d Ruggsyte vo dr Sans Gêne.
Iber zwaihundert vo dääne belychtete Kunschtwärgg sinn unter freyem Himmel ussgestellt gsi.
Do d Ladärne vo den Gundeli Gniesser und em Pfluderi Asyl.
Und doo die vo de Spinner und dr Triumphbooge vo de Naarebaschi.
Noonemol d Spoorepeter-Ladärne und die vo dr VKB.
Und Schneehiife hets gha wo meh als e Meter hoch sin gsi.
Langsam aber sicher isch es Zyt worde zem Abschiidn näh vomene scheene winterlige Fasnachtsmändig.
Die letschte hänn s aber no
lang ussghalte.
Im Sperber hänn mir uns vo allerlei Aaschauigsunterricht in dr Haaseburg no
miesse erhole.