Aafang Hornig isch es ändlig eso wyt:
Mir deerfe uuse und uff d Drummle!
Eso schlimm kaas nit gsi sii: Uff jede Fall sinn no alli bi gueter Schtimmig.
Villicht isch au dr Gin Tonic, wo d Fähler losst vergässe.
Im
Fasnachtsbilderarchiv uff dr Homepage kasch go luege, wenn s letschte Mool
schlächt Wätter isch gsi an dr Sunntigsmarschiebig.
Das Joor isch s Wätter wider scheen und kalt gsi.
D Änte und Schwän firchte sich mehr vor dr Vogelgrippe als vor unserem musiziere.
D Grien 80 isch no im Winterschloof.
Dr Halt isch wider im Botanische Garte.
Es git vyyl z bespräche.
Yyschtooh!
Am
Donnschtig druff het's uss allne Kible gosse.
Dr Rääge isch quer durch dr Brügliger Hoof gfäggt.
Trotzdäm hänn mir s gwagt....aber mit ere Minirunde.
S Dringge heiteret au dr bedeggti Himmel uff.
Scho isch Donnschtig vor dr Fasnacht.
Mit dr letschte Marschiebig startet unseri Fasnachtswuche.
Daas Mool hämmer e Spänderin vo Gin und Tonic.
In dr Pause.
Wenn's emool nit set klappe, kenne mir none Schieflaag-Ufffiehrig mache.
No dr Marschiebig isch dr Momänt doo!
Alle sinn gschpannt, wenn dr Kofferrum uffgooht und eim die daasjeerige Larve
agnaisse.
Doo luege si uuse.
Und bald wärde si beguetachtet und brobiert.