Und scho wider rennt d Zyt
voraa:
Wie fascht jeedes Joor isch dr Mittwuch am Aafang vom Cortège nass.
Bim Casiono, wo mir
tradizionell am Mittwuch dr erschti Halt hänn, paradiere d Clique am Comité
verby:
Do die Junge und 'Alte' Querschleger.
Grad hinde draa kemme d Rätz wider mit emene tolle Zug.
Unseri Ladärne isch perfäggt laggiert gsi. So het dr Rääge ire nit kenne aatue.
Am Piccassoplatz hänn mir denn doch dr Schärme miesse go sueche, denn es het e Momänt zimftig aafoo räägne.
D Rhygass Negro Gugge kemme als jubilierende Gardischte und mit em Scheff heegscht peerseenlig.
Au dr Baasler Vorzaigesportler deerf nit fähle.
Bi dr Mäss kemme gly d Easy-Optimischte.
Und gly druff aaber die bruun aaghuuchte Aagfrässene: E Gruess im Kutscher!
Wenn d BMG am Claraplatz ummen Egge kunnt, denn wisse mir, dass unsere Cortège fir daas Johr scho wider verby isch.
D BMG-Ladäärne: E scheens Wärgg.
Dr Schnäädi-Vordraab macht sich uff e Wäg, zem dr Waage udn d Ladäärne fir dr letschti Oobe z rischte.
Unterdesse leere d Waggis ihri Wääge: Nääbe vyl Räppli git's au no z'drigge und z'ässe.
Zrugg uss em Glaibasel, wo
mir z'nacht gässe hänn, ziehts uns ins Fasnachtsmekka rund um e Rimmeliplatz.
D Olymber maches glych.
Trotz de Räägedropfe, wo immer wider vom Himmel gheye, wirggt sich daas uff d Fasnachtshochstimmig kuum uss.
Und druggt dr Rääge doch kurz uff s Gmiet, denn kaa me jo immer no dr gly Unmuet mit Hilfsmittel aabestirze.
D Pierrot ziehn am Hotel Basel verby.
Und d Spezi leehn sich au z'oobe nit lumpe und drummle und pfyffe immer no mit de famoose Gebäudelarve.
E Mini-Ladärneusstellig uff em Rimmelplatz.
S letschte Mool schmegge mir Fasnachtsluft.
Dr Lärmpegel steigert sich nonemol.
D Ladärne lychtet die letschte Minute.
Scho isch es Vieri!
S isch verby!
D Larve hänn ire Dienscht doo und si schyne, vo de vergangene 72 Schtund z'draime.
E letschts Gruppebild vor däm,
wo die Fasnacht historisch gmacht wird haa:
E riisige Scheehuffe!
S erschte und kuum s letschte
Mool geehn mir firs Morgenässe in aigene Cliquekäller!
Deert kenne mir in aller Rueh in den Erinnerige schweelge und noonemol dr
Morgestraich am Färnseh aaluege.
Adiee Schnee-Fasnacht 2006