S in dääne baar Stund vom Ladärneyypfyffe bis am drey demorge nonemol e bitz gschneyt.
S längt ab fir nimme mehr als e glains Schneeschiimli uff dr Ladärne.
D Fasnachtspischte isch vom Schnee befreyt.
D Masse vo Morgestraichbsuecher streemt richtig Grossbasel.
Und mir warte uff dr groossi Momänt.
S schlooht vieri, s Liecht ish abb und die Schnääderfräässige schweebe in andere Sphäre.
Dr erschti Halt isch wie immer bim Ramschtai.
Si haltet au s Winterwätter nid vom Morgestraich ab!
Vo Wytem seehn mir d Ladärne vom Dupf-Club, wo mit dr Rotstaab-Clique fusioniert het.
Mit weenige Ussnahme hänn s
au in dr Freye Strooss alli Gschäfter gschafft, s Liecht abzmache.
Und trotzdäm isch es nit ganz dunggel gsi, will dr Schnee d Nacht fascht e bitz
zum Daag gmacht het.
Dr Spale-Stamm isch im Aamarsch.
D Spale het daas Joor mit de Chinese.
D Ladärne lyychte um d Wett.
Die näggschte, wo verbymarschiere sinn die Alti Garde vo de Lälli, was me an der Ladärne unschweer erkenne kaa.
Es isch Hochbetrieb. Dodrzue draage au d Muggedätscher by.
Dr Reihe noch paradiere die Versoffene Deecht,...
die Alti Grade vo dr Spaale...
d Gniesser vo dr Gundeli...
d Verschnuufer...
d Wiehlmys...
und d Glunggi.
Last but no least kindigt sich aini vo de ganz grosse Clique aa: D Olympia.
Die grandiosi Pirate-Ladärne vo dr Olympia.
Gmainsam laufe die Junge und die Alte vo de Querschleeger.
Langsam wirds Daag.
Zyyt fir die Alte Stainlemer.
Nadyrlig isch dr Morgestraich
wider vyl z schnäll verby gange.
Aber obwohl s jetzt hell worden isch, isch fir uns no lang nid schluss - nur
Pause.
Optimal ussgnützt hämme dää
fasnachts-historischi Morgestraich.
S längt numme zem schnäll heime z'fahre, zem s Goschdym go wäggsle.