Ai Daag vor dr Fasnacht:
Basel isch e Winter-Wunderlandschaft. Dr 24stündigi Schneefall het die
metreologische und au fasnächtliche Rekordbiecher um e neye Bytraag beryycheret.
Iberall numme Schee!
Und trotzdäm feehn mir aafoo d Ladärne montiere.
Nach ere miehsame Fahrt vo ebbe 200 Meter kenne mir uff em suuber putzte Ladärneparkplatz (E Merci de Nochber-Schneeschuufler) unseri Ladärne uff em Waage befeschtige.
S Team isch yygspiilt und so behindere uns au die issere Witterigsverhältnis nit bim Uffbau.
Bi Sunneschyyn kenne d
Pfyffer die erschte Gehversiech uff em rutschige Untergrund mache.
Gly sinn si gforderet.
D Ladärne wird uff dr Strooss in Posizion brocht.
Und scho bald goohts uff d Ladärne-Yypfyff-Route.
Die zollt de Boodeverhältnis ire Tribut und isch anders als die andere Joor.
Beschti Wärbig fir dr Winterkuurort Basel.
Em Rhy entlang pfyffe mir d Ladärne yy.
Ins Wasser gheyt hit sicher
Kain.
Denn me lauft wie inere Bobbahn- Linggs und rächts hets Scheehiffe, wo iber e
halbe Meter hoch sin.
Fotisüschees deluxe!
Dr Halt findet wo immer statt.
D Sunne verschwindet hinter
em Grossbasel.
Obwohl s nit eso kalt wie befiirchtet isch ziehts uns zrugg in Cliquekäller.
S gooht dr glych Wääg zrugg wie mir gange sinn.
D Groossbasler Rhysyyte im Winterkleid und mit em ussgrischtete Drey Keenig, wo gly ereffnet.
Dr Fährimaa beobachtet s Gschee vom Rhy uss.
Mir sinn zrugg vor em Cliquekäller.
Und bald druff aabe startet s gsellige Zämmesyy im Käller.
D Suppe als Vorspyys isch bi däm Wätter grad s Richtige.
Die verschiidene Salät wärde grischtet.
Uns s wird wyter verpflägt.
Zum Abschluss vom Oobe liist dr Zeedeldichter sii Zeedel vor.
Jung und Älter loose gspannt zue.
Nach em Dessert isch denn Zyt zem uffbräche und die letschte weenige Stund no go warte.
D Stäggeladärne sinn ebeso barat, wie s Dringge fir uff dr Ladärnewaage und d Batterie.
Und dusse wartet d Ladärne.