Scho drey Wuche isch es sit
de scheenschte Dääg verby.
Zyt zem uff dr Bummel goo.
Dää Bummelträffpunggt in
Basel:
D Schalterhalle vom Bahnhof SBB.
Am zähni demorge hänn sich d Schnäädis und dr Aahang deerte droffe.
Passend zem Sujet sinn d Bummelaastegger gsi: Wiehnacht meets Oschterhaas.
Uff Brüssel isch es nid gange.
Trotzdäm sinn mir in dää Zug yygschtiige.
Alli hänn e Blatz im Zug
gfunde.
Und kurz nach dem zwanzig ab zähne fahre mit loos richtig Siide.
D Rais wird e kurzi sy.
Durum warte mir no mit emene Apéro.
Z Lieschtel styyge mir noonog
uss:
Deerte häts hitte sicher au scho gnueg Basler Clique.
Gly druffe aabe, sette mir aber unseri siibe Sache pagge.
Sissach erwartet uns be
scheenschtem Wätter.
Vo dr aakindete Kaltfront isch nonyt z geseh!
D Kirche hänn mir hinter uns
glooh.
Jetzt deerfe mir drummle und pfyffe.
Mit de Feschtspiil marschiere mir ab durch Wohngebiet vo Sissach.
