ACHTUNG: Zerscht kemme d
Bilder vo Allschwil und wyyter unde denn die uss Luzärn.
S gooht
none Wuche und Allschwil fyyrt Fasnacht bim beschte Wätter und grandiose
Temperatuure.
Friener sinn d Ziig vo de Schuele no greesser gsi. E Dangg dääne Leerer, wo mit
d Kinder no Fasnacht mache.
Fasnacht in de Schuele mache, schaadet kuum und wurde sicher au ebbis zur
Integrazion vo de verschiidene Kultuure bydraage.
Bevor die groosse Waageparade aafooht, kemme doch none e baar Clique.
Jetzt kemme
si: D Wääge!
Mit super Uffbau und tolle Goschdym.
Glai und Gross gheere uff alles, was rollt und wo me Räppli und Spreu kaa schmaisse.
Zwische duur kunnt wider e Clique...
...und denn e näggschti Hampfle Wääge.
Doo kunnt d Wildviertel-Clique!
Und noo meh Wääge.
Die Schiifahrer hänn s mir bsunders aatoo.
Doo fooht d Brichterstattig uss Luzärn aa.
Uff em Wääg vo Basel nach Luzärn gnähmige mir uns en erschte Dringg.
Und dr zwait hämmer denn hoch
iber de Dächer vo Luzärn in dr Pentouse-Bar.
E herrlige Oobe fir der Monschtercorso!
Am zwanzig ab sibeni sinn mir bereit: Es goht none viertel Schtund, bis dr Umzug startet.
Ereeffnet wir dr
Monstercoroso tradizionell durch dar Tamboureverein Luzärn:
Die einzigi Gruppe, wo drummlet und pfyfft.
Die etschti vo meh als 80 Guggemuusige kunnt.
D Pracht und d Vyylfallt vo de Goschdym ich yydrigglig.
Und s isch wie z Basel: Kunnt
e Gruppe mit Balleen, hänn die sicher e Jubileeum z fyyre!
Und drnääbe seeht me au immer wider gueti Ainzelmassgge.
E tierischi Gugge mit tolle Goschdym.
Die fir mi scheenschti Gugge in dämm Joor mit emene Mäss-Sujet.
D Boschauteli-Larve sinn aifach super.
D Leye rächts sinn uss Fällstoff.
Und au d Peeschtler sinn drby.
Alti Bekannti: Die hänn sich au an däm Oobe vo Basel uff Luzärn verirrt.
Doo stelle sich d
Guggemuussige uff.
Erscht an däm Ort wird aim richtig bewusst, wieviel Lyt an däm Umzug mitmachen.
E Zwäärg als Ainzelmassge.
Au e tolle Zug ganz in root mit ere riisige Schar vo Nochwuggs-Musiker.
D Katzemusig isch aini vo de tradizionellschte Luzärner Gugge.
Dää kenne mit au: Dir Illi heut au in Basel emol d Tourismus-Aggtiviteete in Griff welle griege.
D Barfuessfäger hän s zwaitscheenschte Sujet ussgspiilt mit all däne skurile Monschter.
Russe...
... und gly druffaabe kemme auch no Torreros in iri Stier.
D Kakapholiker sinn au eine vo de iber Luzärn uss bekannte Guggemuusige.
Sie hämm e wilde aber aufwändige Zug.
D Hydra-Gugge isch ganz in blau.
Wider zwai tolli Biispiel vo
Ainzelmassge:
Zerscht kemme zwai Sunneblueme...
...und denn no Tintefisch.
Au dr Petrus und Ängeli deerfe nid fähle.
E luschtige Idee: Dr Huushalt-Reinigungsmittel-Zug wird aagfiert vom Maischter Proper.
Au s Sipuro-Zwärgli macht mit.
Nome est Omen: Die Alti Garde isch au schone Bitz verstaubt.
Jetzt kunnt wider e sehr e farbefrohi Gugge.
Und doo kemme d Schwyzer Nati-Fäns.
Dä Tamburmajor weiss in e baar Schtund au wieviel dää Dintefisch gwooge het, woner jetzt ummedraiht.
Uns au d Larve vo de Mussiger hänns in sich.
Aifach toll!
Es zaigt sich e kanadischi Truppe vo Elch und Bäre.
D Gremmlins sinn au drby.
Und doo en ainzels Aichheernli.
D Schtimmig isch bi uns und de Muusigge beschtens.
Nach 3 Schtund naigt sich Umzug sim Änd zue.
Aber no isch d Fasnacht in
Luzärn noonig fertig.
Wie z Basel nützt me d Zyt bis zem Schluss voll uss.
D Stadt isch grammlet voll mit Lüüt.
Und an gwisse Ort sehts uss wie bi uns am Morgestraich.
None kurze Bligg uffs Fritschi-Huus...
...und gly druff aabe verabschiidet sich Luzärn wie uff ere Poschtkarte.
Und mir reise zrugg in unser
Fasnachtsparadies nach Basel
(und d Ängel beglaiten uns scho :-)) ).