Es isch eso wyyt!
Die erschti Marschiebig het in dr Grien 80 gschtartet.
In dr Halbzyyt iebe mir s Pause mache bi Gin & Tonic und Faschtewaje.
Z Beschprääche gits wie immer gnueg.
Und s Urteil isch aischtimmig: S het gaar nid eso schlächte deent.
No dr Marschiebig geen mir
ins Seegarte-Restaurant.
Und wie me s jeede Wuuche in dr Schwyyzer Illuschtrierte macht, verdaile au mir
e Kaktus - aber ein vom Monet:
Unglaublig ass s Personal deerte scho vor em niini z oobe dr Laade aabelosst und
anschyynend nid en allzue grosses Interässe an de Fasnächtler het.
Noodämm mir fascht uss em Restaurant ussegheyt worde sinn, gits uff em Parkplatz none e Assesoire-Verdailig.
E Wuche speeter sinn mir wider unterwäggs. Und wider gits au e Pause.
Daas Mool gits au News uss Vietnam.
Die ganz Nacht hets uss Kiible gosse. Wo mir uff unseri Sunntigs-Marschiebig gschtartet sinn het aber d Sunne bländet.
Hüt isch sogar dr Fasnachtsnoochwuggs drby.
Dr Sturm kiindet aa: S Wätter wird nid eso blyybe, wie s im Momänt isch.
Und wäärend mir im Schäärme dien pausiere...
...macht dr Petrus d Schleyse uff und losst s giesse.
Im Schäärme isch d Schtimmig guet.
Mir warte uff die näggschti Räägepause und nütze unseri schnälle Märsch, zem fascht trogge ins Seegarte zrugg z goo.
Deerte gits denn none wyteri Meegligkeit, zem sich z verpflääge.
Donnschtig vor dr Fasnacht: Unseri letschti Marschiebig in dr Grien 80.
Scho s letschte Mool in däm Joor: Die obligatia Pause nääbenem Rugbyfäld.
Au bim letschte Mool goht dr
Gsprächschstoff nid uss:
Jetzt isch vor allem s Wätter en obligats Thema.
Daas Mool hets
Seegarte-Säbschbedienigsrestaurant ängiltig gschafft: Am Viertel vor nyni sch dr
Laade zue gsi. Bravo!
Deen siin mir halt nur fir ebbis z dringge nääbedraa yykehrt.
Und dr groossi Augebligg ebben am zähni: D Larveverailig.
Und daas isch daas, wo sich im Kofferruum verborge het: Unseri Haase!
Zerscht wird verailt ...
... und denn borbiert.
In wenige Minute wird uss em Grien80-Parking e Haasestall!
Und d Ohre sinn no verdächtig graad!