Samschtig, 27. Jänner 2007
E winterlige Rhy isch barat fir s heegschte Glaibasler Fescht im Joor.
Scho kemme die erschte Ueli zem Klingedaal.
Bim Käppeljoch uff dr
Mittlere Brugg luegen alli dr Rhy duruff.
D Kanonebeeller gheert me scho. Dr Wild Maa kaa nimme wyyt syy.
D Beeler wärden immer lyyter.
Zerscht gshet me nur dr Rauch und bald druff aabe gseht me s Flooss mit em Wilde
Maa druff.
Unter dr Brugg duure neecheret sich s Floss dr Aaleegestell bim Klingedaal.
Bisch kurz vor em Aaleege knallts.
Vom Spitz här kemme dr Lai und dr Vogel Gryff, zem sich mit em Wilde Maa z'verainige.
Und scho bald druff aabe
kunnts vor em Gryffemaischter zem erschte Danz.
Im Gryffejoor schtooht der Vogel Gryff im Zentrum.
Dr Wildi Maa isch komplett
ney.
Unter dr Larve isch e Neye und aus Goschdym isch ney.
No het är alli Eepfel uff em Kopf und am Giirtel - aber nimme lang.
Nach em abschliessende gmainsame Danz verabschiide sich die drey Ehrezaiche und marschiere ab zem Kaffi Spitz.
Deert uff dr Terasse warte d Geescht vom Lääberliässe uff dr Vogel Gryff.
Aine vo de Heehepinggt isch
dr Danz uff dr Mittler Rhybrugg am zweelfi.
Lyt hets fasch wie am Morgestraich.
Kurz vor de Zweelfe ziehn dr Lai, dr Wild Maa und dr Vogel Gryff wie Gladiator in d Arena uff dr Brugg.
Es sinn ächte Mediestars, wo vom Färnseh uss dr Schwyz und em Ussland gfilmt und vo de Prässefotografe gfeetelet wärde.
Dr Lai in dr Luft und dr Wild Maa mit em Dännli am Bode.
Am Viertel ab zweelfi isch s
Schpeggtaggel uff dr Brugg fertig.
D Gsellschaftsbrieder geehn in d Mäss ans Gryffemeehli und mir nach emene
Abstächer im Yysebähnli heim.
Nach em Apéro hoch iber Basel
geehn mir zämme im Schalander go z Nacht ässe.
Doo aane kunnt dr Vogel Gryff ebben am halbi Nyni.
Dr erscht Ueli isch scho doo.
D Bligg wände sich zem Ygang, wo bald die drey Ehrezaich uffdauche wärde.
Vo d Stehplätz uss gseht me s Gscheeh besser.
S Dännli straift nadyrlig d
Deggi vo dr Baiz.
Dr Vogel Gryff vermiidet gekonnt dr Kontaggt vo syne Fliigel mit dr Deggi.
Vor em Alte Warteck verbraite d Stäggeladäärne fascht e bitz Morgestraich-Schtimmig.
Ab goohts zem Rhyfälderhof.
Und scho isch me kurz vor em näggschte Ufftrittsort.
Während dinne dr Vogel Gryff danzt, warte mir dusse uff dr Strooss.
Nach emene kurze Umtrunk macht sich der Vogel Gryff scho wider barat.
Und au dr Wild Maa zieht sich
wider aa.
Und dr Wilde Frau vo de Schnääderfräässige kunnt e bsunderi Ehr zue:
Si deerf em Wilde Maa sy Dännli heebe bis siini Larve sitzt.
D Ueli sinn scho wider uff dr Gass und sammle fir die Bediirftige im Glaibasel.
Mit e weenig Verspeehtig marschieren alli via Clarastrooss und Räbgass zem Räbhuus.
D Strapaze sinn gly z Änd.
Beglaitet wärde die drey Eherzaiche dr ganz Oobe vo den Olymper.
Vor em Rääbhuus träffe sich d Idol (dr rootwyysi Ueli) und sy greeschte Fan.
Und denn gits none Ueli-Familifoti.
Nach de Dänz im Räbhuus warte dusse scho d Olymper, ass dr Lai, dr Wild Maa und dr Vogel Gryff ihne d Referänz erwiise.
Jetzt gsehsch, worum me am
Vogel Gryff e Huet sett drby haa.
Nur denn kaa me die drey Ehrezaiche richtig griesse.
Vom Räbhuus marschieren alli
zem Kaffi Spitz.
Wärend dusse d Olymper mit dr Daagwach und em Wettstaimarsch vier Wuche vor dr
Fasnacht Luscht uff mehr mache, hänn die drey Ehrezaiche dinne ihri
abschliessende Dänz.
S näggscht Joor am zweelfte Jänner isch dr näggscht Vogel Gryff.