Prachtswätter am 31. Juli 2008!
E Zält bruuchtis aigentlig an
däm Daag gar nid.
Und scho gly wärde d Feschtbangggarnituure aagliiferet.
Die erschte teschte d Wassertemparatur: S haut aane! En ächti Erfriischig an däm Daag.
Geege dr speeteri Nommidaag fillt sich dr Garte mit den aggtive und passive Schnäädis.
Und wenn s z warm wird loggt s kiehlende Nass.
E richtigi Poolbar fählt no.
Trotzdäm ka me sich behälfe und denn wird vo usse und inne fiecht
und erfrischend.
Wo bliibt s Ässe?
Zerscht bruuchts none rächte Apéro in Wasser.
Denn aber wirds Büffee ereeffnet: Uss em Grill rauchts und dinne isch s Salatbüffee uffgstellt.
Es wird e Momänt lang
ruehiger:
E guets Zeiche, denn alli stille ire Hunger.
Und denn nimmt
Gsprööchsintensiteet wider zue:
Alli sinn satt.
Wenn daas nit patriotisch
isch!!
Mir zaige Flagge und feschte richtig aidgeneessisch!
Dr Grills isch leer!
S hett nyt meh.
Bis es dunggel wird bliibt no
Zyt zem sich ussztuusche und Spände fir die Schnääderfräässige
z akquiriere....
Und doo ka me scho mied wärde!
Es wird dunggel und s Fyyrwärgg loss nimme lang uff sich warte!
Fyyrwärgg im Garte:
E Huuch vo Südsee am 31. Juli in Basel!
Und denn am viertel ab elfi startet s Fyyrwärgg am Rhy.
Daas Joor e Bitz anders als die letschte Joor - maine d Expärte.
Und wenn denn nach de grosse
goldige Fyyrwärggbouqet s no drey Mool luut gleepft isch s
Fyyrwwärgg verby und gly druff aabe au dr Schnäädergrill 2008.
