Träffpunggt am halbi zwei vor em Cliquekäller
Daas Joor mien mir nid dr
richtig räägeloosi Momänt abwarte fürs Cliquebild,
denn es isch immer schöön
D Vorbereitige für d Uffnahm laufe
S offizielle Schnäädi-Bild
2008!
Und nochhärd gooht's ab uff d Route
In Clarastrooss bikömme mir d Zugsblagette
Dr Halt bi dr MUBA
Die aggtuelli Laag wird analysiert
D Spoorepeter saage: Ciao
Elsa.
Im Vordraab laufe Spion, pfyffe dien Schyggeria-Hiener ...
... dr Dambuurmajoor isch d Elsa sälber und drummle duet d Gleepfer-Prominänz
Ebbis firs s Gmiet: S Buschinäscht vo de Wiehlmys
Hinde draa kemme die Junge und dr Stamm vo de Wiehlmys
Die Antygge wänn bloche
Dr Cortège zieht wyter an is verby
Dr CCB-Stamm kunnt mit irem Closed Cow Broject
Mit zuegnajte Kieh leischtet d CCB e Bytraag fir e suuberi Luft
Ändlig kemme die erschte
wysse und schwarze Scheefli: Eins vo de Top 5 - Sujet
an deere Fasnacht
D Schineblooser-Waggis kemme mi ere eigene elsässische Gartewirtschaft
Die Aagrfräässene leehn dr Rubel rolle
Dr KGB, Oligarche und Russine mache iri Uffwaartig
Und uss em Sarg winggt sogar dr Lenin
I bi nid ganz sicher aber
daas kennt die Alti Garde vo de Muggedätscher sii, wo sich
au an de Lärm-Meggersegg uffhalte
Eigentlich scho fascht
erwartet kemme die Alte Stainlemer wider mit emene ussergweehnlige
Zug
Hänn die nid schvo e baar weenige Joor dr Blocher in ire Reihe kaa an dr Fasnacht?
Immerhin kenne daas Joor
wenigschtens e Baar drummle und pfyffe. Eigentlich schaad,
denn wenn alli Damboure uff iri Drummle glopfe dööhnt daas jo eigentligg richtig
toll
D Seibi-Mysli mit ere ganz spezielle Ladärne
D Junteressli kemme! Vorne wänn die Bruune pfyffend mit de Gummibeetli uff s Rütli
S Micheline wird beglaitet vo
zwai Waibel.
Am Mittwuch zoobe kunnt denn s ächte no drzue
Jedes Joor eifach härzig: Ächti Junteressli vo de glychnaamige Binggis
Hinde draa kunnt die Jungi Garde vo de Junteressli
Unterdesse isch dr Mauro am Theaterbärg gstande und het deerte im Cortège zuegluegt
Doo kemme die belaidigte Lääberwirscht vo dr Sans Gêne
Dierischs und jungs
Waggis in allne Farbe und Forme
Und noonemol e baar Scheefli und e Waggis
Dr Pluderi-Stamm widmet sich dr Hailigkeit
Und noonemol e baar Scheefli: Määh, Määh!
E Strauhwaggiswaag aber als
Baslerstab arrangiert und nääbe dra kemme d Striggede
draa
Für mi daas Joor eine vo de
beschte Wääge! Eso wie doo deehnts wirgglig, wenn d Tour
de France nääbe draa duurefahrt
Au e Pause mache, isch wichtig
Als Larveablaag eigne sich au Billetautomate
Zrugg in dr Dufourstross: E groosartig jubilierendi Gugge:
Die 50-jeehrige Negro Rhygass
Au die Junge Garde sinn bi däm Wätter no voll in Aggzion
E Prachtsladärne ...
... und e Prachtszug vom Wettstai-Stamm
Blyybe iirem Stil au treu: Dr
Stamm vo de Spale mit ere unhaimlige Dracula-
Ladärne
D Krach-Schnygge: Aine vo dääne dräffe mir am Donnschtig wider im Baggestooss
Die Alte Glaibasel sinn im Aamarsch: Zerscht kemme d Setzlig und hinde draa dr Stamm
S Sujet heisst 'Zem Deifel mit dr Rueh'
Dr Tambourmajor isch dr Knaller und hinde draa kemme d Lärmdeifel
Und au vo dr Ladärne vo de Giftschnaigge luegt s Micheline
E Prachtswätter und e Prachtscortège. S lauft wie am Schnierli
Dr Stamm vom Dupf-Club mit em
Sujet 'Mi Frau - my Gryz' notabene eini vo de letschte
Männerclique
D Glunggi fyyre iri eigeni Idenditeet
I ha erwartet, ass die halbi
Fasnachtswält d Euro als Sujet wählt. Aber ebbe: Dr Euro-Fungge
isch glaub noonig richtig gsprunge! Bi de Junge Rhygwäggi isch aber dr Fungge
gsprunge
Hinde draa kunnt grad dr Stamm vo de Rhygwäggi. Si kimmere sich um d Russe
Jetzt iberfalle d Simpsons Basel. Doo kemme die Junge Rhyschnooge
Ung grad noonemol Simpsons
Jetzt isch es efang nimmi schweer zem verroote: Au dr Rhyschnooge Stamm haut s uff s Rütli
Dr Blocher, s Rütli und die olympische Spiil in Pekin sinn Sujet-Renner
Dr Naarebaschi Schtamm schläggt d Wunde vom Wahlk(r)ampf
Am Donnschtig am Morge weiss är denn, was är zwei Dääg ummedreiht het
Mir hänn d Wettstaibrugg
hinter is. Isch daas anderi Joor e Muess isch es daas Joor
s Highlight vom Mändigs-Cortège gsi: Uff dr sunnebeschiinene Brugg sinn d
Zueschauer
in Fimfer- und Säggser-Reihe Spalier gstande! S isch mir kalt dr Rugge aabe
gloffe.
Also s Sandmännli macht e guete Job: Die Schloffkappe gsehn wirgglig mied uss
Doo muess e Halt aane, zem d Lääbens- und d Fasnachtsgaischter wegge
Dr Vordraab und d Ladärne kiinde dr Stamm vo de Wiehlmys aa
Schottestoff ...
... Schwyzerkryzstoff ...
... und Schööflistoff isch fir die näggschte Joor ussverkauft :-)
Näb de Basler Rolli fyyre au
dr Schnurebegge Stamm dr Elvis. Si sinn sogar dr
Meinig ÄR miess dr näggscht Heilig sii!
Durum gseht die Ladärne au wiene Kirchefänschter uss
D Spoorepeter ...
... und d Stainlemer sehn mir scho s zwaite Mool
Vo wytem d Stamm-Ladärne vo dr Olympia
Die Junge Olymper sinn im Aamarsch.
S Buschinäscht vo de Fyyrveegel
Au si sinn wie dr Stamm 100 Joor Fyyr und Flamme
Dr Seibi-Stamm fyrt 75 Joor
Und doo kunnscht dr näggscht Stamm: Dää vo de Muggedätscher
Dää passt fascht zur
Jooreszyt:
Vor siibe Wuche isch erscht Wiehnacht gsi
D Pfyffer und Dambuure sinn Kämpfer fir dr Komeerz
Dr letscht Halt uff em
Cortège isch fir uns am Barfi.
Wo isch denn dää ab? Dr Andreas seeht gar nid nach Schloofkappe uss!
Drfir macht dr Andri im Sujet alli Ehr aa!
Zrugg uff dr Gass. Am
Rimmeliplatz gits dr erscht Gin & Tonic uff unserne mobile
Disch mit Dischtuech!!!!
D Ladärneusstellig nimmt Forme aa. Langsam kemme alli Ladärne uff dr Minschterplatz
Will d Wätterprognose
eidiitig sinn, bruuchts hitte kai Ladärnefotirundi und anderi
Fotimotiv hets jo gnueg
Kriise am Barfi: D Bärgschue sinn kaputt. Hilfe, so kunnt me nimme dr Spalebärg duruff!
Dr erscht Daag Fasnacht gooht
im Ändi entgeege: Mir sinn in dr Brasserie im Hotel Basel und
d Auge nämme chineesischi Forme aa: Schloofkappe mit Schlitzauge - Jetz mien mir
go schloofe!