Boxestopp vor em Mittwuchscortège: D Batterie vom Ladärnewaage mien ussgwäggslet wärde
Au dr dritti Fasnachtsdaag wird regiert vo dr Sunne
Zur Steergig none Gin&Tonic: Dää aggtiviert d Energie für dr letschti Fasnachtsdaag
Dr Leu in dr Pfyffergruppe
Warte uff dr Abmarsch
Während d Schnäädis sich vo
dr Schiffländi zem Barfi uffmache, wartet dr Mauro scho dörte
un geseht als erschts dr Zug vom VKB-Stamm
Dr Drägg am Rhybord isch s Sujet vo dr VKB
S Abfall-Requisit vo r VKB am Schluss vom Zug
E Waggis-Bar-Waage
Die Alti Garde vo dr VKB kemme als Eskimo und mache sich Sorge ums Wältklima
Die Vereinigte Gundeli fyyre 100 Joor Pfadi
Alli Formazione (Binggis, Jungi Garde, Stamm und Gniesser) lauf grad hinter enander
Und wider schwitze Yysbääre unter dr Sunne
Ohni Stau hänn mir s gschafft: Mir sinn am Barfi und machen e Halt
Mir laufe vollzeelig yy
Kai Schwarzes Schoof sondern s Schloof-Schoof vonere Schnäädi-Schloofkappe
Jetzt hänn mir Zyt, zem e
Bitz ebbis vom Cortège kenne mitzkriege:
Als erschts kunnt dr Rätzstamm
D Rätz grabt als Muulwirf in d Basler Unterwält und isch uff dr Suechi nach emen neye Stammlokal
Die linggs sette jo e
diräggte Drooht zum Petrus ha und hänn dää richtig gnitzt.
Die beide rächts gniesse nämmlig d Friehligssunne und vo dr lange Zyschdigsnacht
gseht me nyt
Warten uff die näggschti Formazion
Die Alti Grade vo de Schurebegge kemme
Au si nämme s Theater um s Tattoo-Fyrwärg uff s Korn
Die Jungi Garde vo dr JBC Santihans
Doo kunnt dr Stamm vo de Rhyschnogge. Ir Sujet: Rüütli! Rächts um - keert!
D Binggis vo dr Rätz fyyre 125 Joor Fyyrweer
D Rhyschlappe-Waggis kemme uff ere exquisite Riksha
S Interview mit dem Kommentator vom Radio Basilisk
Eb mir scho schlapp mache? Sicher nid! Mir gniesse nur das grandiose Wätter!
S Interview-Publikum
E Cortège mit e Huffe Lyt macht allne - eb Clique, Gugge oder Waggiswääge e riisige Spass
Doo rächts macht sich e Gugge
iber d Comité-Subvenzione luschtig.
Uns aber ziehts jetzt wyter in d Aesche
Unterdesse kunnt dr Basler Rolli Stamm als Elvis dr Theaterbärg durabb
Dr näggscht halt bim
Picassoplatz:
Zyt zem no schnäll verarztet z wärde dangg rollender Apothek
Jetzt isch es Zyt fir e
Zvieri.
Dr Disch isch barat. Es fählt nur no s Ässe
Ändlich loohne sich die
unzeellige Stunde Färnsehkochsändige:
Professionell und regelmässig wird dr Schwarzwälder Schinggespägg uffgschnitte
S Vesper isch bereit
und au scho gly verschlunge
Unterdesse defiliere uff dr Route dr Stamm vo de Junteressli
Si erwarte hit zoobe no hochrangige Besuech uss Bärn vo dr ächte Micheline
S gooht gly wyter
Die Art dr Cortège z
bewälltige hets in sich.
Mir machen is aber z Fuess uff dr Wääge iber d Wettsteibrugg zur MUBA
Dr letscht Halt uff em
Cortège 2008 bi dr MUBA stimmt doch schon e bitz druurig
Trotzdäm: Waas gits scheeners als Dail vo deere Joorhundertfasnacht deerfe z sii!
Wie allewyyl isch es e Prachtszug vo dr BMG wo dr Cortège im Glaibasel abschliesst
Zyt zem d Wääge z leere. Fird Wäägler und s Publikum e Highlight
Mir warte unterdesse bis d
Ladärne wider mit neye Batterie fir dr Waage und Belychtig
ussgrischtet isch
S professionelle und
yygspiilte Boxepersonal wäggslet d Batterie fascht eso schnäll
wie d Ferraria-Crew d Pneu bimene Formel 1-Rennwaage
E kurze Marsch zrugg zem
Europe. Für die junge Vordrääbler e besunders Erläbnis,
will si denn immer hinde uff em Ladäärnewaage deerfe fahre
Ab zem Nachtässe
Nach em Nachtäässe goohts zrugg ins Grossbasel ins Fasnachtszentrum am Rimmeliplatz
Mir gniesse dr letschti Fasnachtsoobe
Und nid nur mir. Au vyli
Anderi. Dää Waggis doo het sich mit siinere mobile Kuche sogar
e Fondue Chinoise geennt
D ARI mach au grad e Halt
Speeter bim Pfluderikäller kemme mir sogar no in Gnuss von e baar Schnitzelbängg
Dr Stamm vo dr JBC Santihans defiliert im Noodlebärg
und kriizt unseri Ladäärne
Fasch nid z glaube aber
leider wohr: Scho wider dr letscht Halt am Rimmeliplatz.
Weenig speeter gohts zrugg iber die Mittleri Brugg zrugg ins Glaibasel und zem
Ändstraich
S dritte Morgenässe am
Donnschtig im Cliquekäller!
Die beschti Leesig für d Schnäädis zem zämme könne Abschiid näh vo dr Fasnacht
Adiee Fasnacht!
Du wirdsch als Joorhundertfasnacht in unseri Chronik yygoo.
Nach em Morgenässe het s e
baar vo uns noonemol in eins vo den ächte Fasnachtslokal zruggzooge.
Im Baggestooss hänn mir eso d Fasnacht doch kenne um e baar Stunde verlängere