Fascht wie am Morgstraich!
Träffpunggt für d Schnääderreis isch am viertel vor fümfi am Morge uff em
Flugplatz in Basel.
Die yyglöösti Wett:
Dr FCB isch in dr Champions League und mir mit em FCB-Liibli am Flughaafe.
Yycheckt isch und durch d Sicherheitskontrolle sinn mir au koo: Es längt no für en erschte Kaffi.
Fasnachtserfahrig zahlt sich au unterem Joor uss: Am halbi säggsi sinn alli wach.
Mit Speedy-Boarding zvorderscht im Flugzüüg.
D Sunne gooht über den Alpen uff.
Am Siibeni kemme mir in Nizza aa.
Nach enere kurz Busfahrt
kemme mir zmitts in dr Stadt aa und machen uns uff d Suechi nach em
Hotel.
No simmer fasch die einzige
uff dr Strooss.
S Hotel finde mir rasch.
Kurz pagge mir um, zems Baadzüüg barat mache und denn geehn mir in d Stadt.
Zerscht mien mir ebbis zum
Morgenässe ha.
Kulinarischs zem Erschte:
Das isch zwar e guets aber im wohrschte Sinn vom Wort:
e Petit Déjeuner!
Dää Pargg mit Springbrinne trennt dr neyeri Teil vo dr Stadt mit dr Altstadt.
Es isch zähni und jetzt hets Lyyt.
Dr Märt vo Nizza isch ebbis fir d Auge und dr Appetit.
Siesses für d Yvonne: Marzipan und kandierti Fricht.
Scheen, frisch und sau tüür!
Es wird Herbscht!
Gmies all dr Gattig.
Jetzt wirds richtig mediteran:
Olive, ....
... Truube und Melone uss dr Provence!
Und no mehr Olive.
Am Schluss vom Märt logge no d Diift vo de verschiidene Gwirz.
S fachkundige Publikum.
Nach em Märt ziehts uns in d Gasse vo dr Altstadt.
Me muess nur Muet ha: Eso moole kennt i villicht au no.
Mir sinn wider am Rand vo dr
Altstadt und em neue Teil.
Deert fahrt e hypermodäärns Drämmli.
E Gelati wär jetzt ebbis.
Aber mir verdaage daas uff Zoobe.
Doo kennt me au no guet gässle.
Es isch nach em Zweelfi.
Jetzt loggts Meer.
Nid ganz wie in Rimini: Es
het nit ganz eso vyl Sunneschiirmreihe und dr Boode isch uss
Kieselstei und nid uss Sand.
Kulinarischs zem Zweite:
Und zuedäm wärde d Schnäädis in deere Strandbeiz snäggschte Joor s erschte Mool
dr erscht Wyterbildigskurs im Rahme vo dr Schnäädi-Akademie bsueche.
S Thema vom Kurs: Memorisiere oder wie weissi no was acht Lüüt bschtellt hänn.
Und jetzt goohts ins Wasser.
Wies sich gheert, gschitzt geegen alles.
Dr David Hasselhoff isch e Drägg drgeege.
Dr Kampf ans Land iber die
bleede Kieselstei z koo!
Und denn d Belohnig zwische d Schnäädi-Mehrjungfraue!!!
(Die letschti Zyyle koschtet denn jedi uff em Bild abbildeti
Daame e Gin & Tonic an dr näggschte Fasnacht! :-) )
Scho wirds Oobe.
Zyt, dr Strand z verloo und an Apéro z goo.
Nach em Apéro und emene Zwischestopp bim Hotel ...
... sinn mir bereit firs Dinner!
Und daas doo isch gemäss Reisefiehrer s Mekka zum dinniere.
Kulinarischs zum Dritte:
Dr Bocuse isch e Zwärg geege dr Koch in deere Beiz!
Bsunder erwähnt und zu emozionale Ussbriich fiehrt die einzigartigi:
Tarte de Pommes flambee jusqu'à noir à la Mode du Grand Cusinier!
Bon apetit.
Niemerds hets gwisst:
Jetzt wirds Ghaimnis verroote:
Die beide sinn Teschtässer vom Guide Michelin!
Zem erschte Mool wärde daas Joor nach däm Menu vier Stärn vergäh!!
Via Altstadt und mit Gelati goohts zrugg zem Hotel.
Daag 2:
Nach emene greessere Petit Déjeuner kämpfe mir uns uff dr Bärg.
Belohnt nach deere kreefteraubende Expedition wärde mir mit däm Ussbligg.
Doo lossts sich lääbe.
Immer wider e bsunders
Schnäädi-Highlight:
Wie kemme mir zumene Gruppebild?
Doo dr Wääge drzue...
... Gschafft!
Uff däm Bärg gseht me nit nur uffs Meer in Richtig Cannes ...
... sondern au nach Oschte in Haafe.
Daas wärs gsi, wenn dr
Kassier nid eso pingelig gsi wär: D Schnäädi-Yacht...
... bliibt leider e Traum.
E Duuschi uff em Wääg nach aabe.
S gooht zrugg an Strand.
Oha, s Wätter wird schlächt! :-)
Noonemol gniesse mir dr Strand, s Meer und d Strandbeiz.
Denn mien mir goo!
Aber es längt no fir e
Zwischestopp.
Ändlig gits die sehentligscht erwartet Moules!
Frisch gsättigt renne mir druch d Stadt zum Busbahnhof.
Mir sinn z frieh.
Em Andri si Bild bliibt unter Verschluss...
Eigentlig fliege mir numme no heim (erscht no mit ere Schtund Verspeetig) aber
dr eint oder die ander
hänn no ebbis vor. Durum no s Uffrische à la française!