S isch 10i.
No isch es am lingge Uufer vom Rhy ruehig.
S Polizeyboot - dr Attila - leegt grad deerte aa, wo e Schtund speeter dr Wild
Maa
vom Floss wider Glaibasler Boode duet bedrätte.
Uf dr
Mittlere Brugg besammle sich au scho Zueschauer zem dr bescht Bligg uff
s Floss vom Wilde Maa kenne z haa.
Nääbe dr
Brugg sinn nadyrlich au d Plätz uff dr Fähri und uff jedem Balkon am Rhy
sehr begäährt!
Zerscht
gheert me numme d Beellerschiiss und denn taucht s Polizeyboot uff und
ganz zem Schluss kunnt denn s yygnääblete Floss mit em Wilde Maa.
Dr Wild Maa ohni und im Nääble vo de Beellerschiss.
S gooht uff
die Mittleri Brugg zue.
Und jetzt richtig laade, denn under dr Brugg kraachts am scheenschte!
Während bim
Glaine Klingedaal dr Wild Maa vom Lai und em Vogel Gryff begriesst wird,
macht me sich bim Hääre-Maischter barat fir dr grooss Momänt.
Vo wytem
gseht me d Faahne vo de drey Ehregsellschaft. Und scho bald schtiirmt dr
Wild Maa uff dr abgschpeerti Blatz. D Eepfel sinn scho alli ewäg!
Und denn kunnt au dr Lai und zem Schluss dr impossanti Vogel Gryff.
D Dambuure schtelle sich uff zem die drey Dänz z beglaite.
Alli sinn barat.
Zerscht isch dr Lai an dr Reihe.
Mit emene groosse Satz gumpt äär bis zem Maischter.
Nochhärd
losst dr Wild Maa siini Tanne in dr Luft ummenander-
kreise.
Au doo wird zem Dangg fir dr Danz dr Huet glipft.
Dr Vogel Gryff beschliesst d Dänz.
Zum Abschiid vernaige sich noonemol alli drey Ehrezaiche.
Scho gooht s wyter zem näggschte Ort fir die näggschte Dänz.
Am halbi zweelfi fooht sich die Mittleri Brugg aa fille.
Kurz vor em Zweelfi kunnt denn s Spiil vom Spitz här uff d Brugg.
Vor em
Spitz besammle sich d Gsellschaftsbrieder und s Gsellschaftsspiil.
Vo dr Brugg häär kunnt dr Vogel Gryff scho zrugg. Soo nooch bim Groossbasel wie
doo isch är dr ganz
Daag nimm.
Nid nur d
Gsellschaftsbrieder geehn jetzt gmeinsam go spyyse in d Mäss Basel.
Au uns ziehts in d Baiz zu de Lääberli.
Zoobe denn trifft sich d Schnäädi-Delegation im Saal vom Alte Warteck.
Kurz vor em Niini macht au doo dr Vogel Gryff si Uffwartig.
Dusse warte
die hundert Stäggebuebe.
Hundert doorum, will d Olympia, wo zoobe dr Vogel Gryff beglaitet, daas Joor
hundert
Joor alt wird. Buebe, will dr Vogel Gryff vor allem e Männeraaloss isch.
D Ladäärne
sinn begährt. Und will ebbe numme die letschte Männerclique Stäggebuebe
keenne delegiere, gseht me am Glaibasler Fescht au Stäggeladäärne uss em
Grossbasel!
E Dail vo dr Schnäädi-Delegation.
Ändlig goohts loos.
D
Clarastrooss isch gfillt mit Lyt wie am Morgestraich.
Und mit de Stäggeladäärne sehts au e Bitz wie am Morgestraich uss.
D Hauptaagteer vo däm Daag.
Immer no sinn d Ueli unermiedlig am Sammle mit de Gäldbiggse.
Scho warte vyl Lyt uff dr letscht Dail vom Rundgang.
E letschte
Danz für d Olymper vor em Räbhuus.
E baar gsehns vo gang nooch, d Ueli luege em Triibe uss dr Dischtanz zue.
Zrugg goohts zem Kaffi Spitz.
Zwische de
Stäggeladäärne findet s Triibe duusse mit dr Daagwach und em Wettstaimarsch
si Änd. Dinne aber gooht dr Feschtdaad no wyter.