Säggs Dääg vor em Morgestraich ziehts uns wie schone mänggs Joor an d Luzärner Fasnacht.
S Wätter schiint für dr letscht Fasnachtsdaag in Luzärn z heebe.
Will i e Bitz firener als
sunscht uff Luzärn bi, längts sogar no für e nommidääglige Rundgang
durch d Altstadt.
Dr Zyschdig-Nommidaag isch z Luzärn wie z Basel dr Daag vo de Kinder.
Und au doo wimmlets vo Fasnächtler und Zueschauer.
E gueti Fasnacht bruucht
Unmängene an Fantasie. Ass Fanatsie unterschiidlige Formen aanimmt
ka me z Luzärn und z Basel gseh.
In Luzärn spiilt me (im wohrschte Sinn vom Wort) siine Sujets uss: Sigs dr
Bush-Schuehwurf, wo me
kaa ussbrobiere oder e Zirkus-Familie-Ufffiehrig ...
... oder dr UBS-Affe-Zolli oder die jassende Seniorinne.
Zrugg zum Bahnhof: D Schnäädi-Delegazion uss Basel kündet d Aakunft aa.
Und pünggtlig kunnt dr Zug uss Basel im Luzärner Bahnhof aa.
Mir göhn zämme zrugg in d Stadt.
Einzelmasgge gits in Luzärn definitiv mehr als in Basel!
Die Jüngschte sinn mied und die Alte spiile Lotto.
Dr Fasnachtsbaum am letschte Fasnachtsoobe.
Fascht wie an dr Ladärneussstellig presentiere in Luzärn uff emene Platz d Gugge iri grosse Wääge.
Linggs e Kebab-Waage und rächts Tischgrill unter freyem Himmel!
D Schnäädi-Delegazion 2009!
Loos gooht dr Monschter-Corso: Dr krönendi Abschluss vo dr Luzärner Fasnacht.
Über 90 Guggemuusige und Gruppe defiliere.
Wie jedes Joor macht dr
offizielli Aafang dr Tamboureverein Luzärn: Siini Tön sind uns
vertraut: Daas Mool isch dr Whyski, wo si pfyffe und drummle.
Und grad hinde draa kunnt die wider vollständigi Fritschi-Familie.
Gross und Glai sinn an däm letschten Oobe drby.
D Gschdüüm passe zum Name vo dr Gugge: D Luzärner Häxe!
D Vielfalt vo de Goschdüüm isch gross.
Was aber daas Joor e Bitz fählt, sinn d Farbe - s passt wohl zur aggtuelle Kriise.
E tolle Guggemajor.
Au Ueli gits.
Meh als e paar Räägedröpf hets au nid gäh - zum Glügg!
Keiner klein genug, um ein Drach zu sein!
Und noonemol e paar Häxe.
D Vikinger bringe Faarb ins Spiil.
Tattoo in Luzärn!
E geniale Zug: Goschdüm und Larve sinn alli gstriggt!!
Anderi aber ebeso prächtigi Larve und Goschdüüm wie in Basel.
Uff en Yys-Zug folgt...
... e Zug Afrikaner.
Verbunden im Geischt: Es Zug Schoof mit eim schwarze! :-))
Sau guet: E Gugge mit Schuehschachtle-Larve (i glaub die heisse jo z Luzärn 'Grinde').
Ab uff d Jagd!
A Ritter döre nid fähle.
Au daas e Highlight: E Gruppe Sponge Bobs. Alli sinn uss Kartonschachtle gmacht.
Und doo none Zolli-Gugge.
E Nilpfärd möcht i au emol sii.
E Schruube-Gugge!
E toll umgsetzts Sujet: D Red Bull Flugdääg.
E Gärtner-Gugge mit emene tolle Guggemajor.
Und hinde dra kömme grad d Jockeys.
Für mi daas Joor dr bescht Zug, wo dr Asterix & Obelix usspiile.
Zerscht kunnt die ganze Gallier-Familie. Numme dr Idefix hanni verpasst.
Und denn kunnt die römischi Garnison.
Und z letscht dr Caesar höggscht persönlig.
Ohni Pause ziehn Einzelmassge und Guggemusike an uns verby.
Jetzt kömmen au no Alti Ägypter!
Esone Waage (rächts) bruuche
mir au: Doodruff kaa me e ganze Feschtbakgarnitur, Zält, Grill, Spiegel,
Föhn etc. verlaade!
No neigt sich dr Corso no
lang nid siim Änd, aber mir mien uns scho gly uff dr Wääg durch d Masse an
Bahnhof mache.
Unterwäggs träffe mir au no
uff e (fascht ächts) Paschteetli.
Jetzt hanni wider Hunger. Zum Glügg gits none Stand mit Äpler-Maggroone
und enorm schöne Gliehwyybächer.... :-)) (Är stooht jetzt bi mir uffe m Büro-
tisch!)
Adiee Luzärn! Bis im näggschte Joor!
Und verruggt sinn mir jetzt gar nid, ass mir no alles vo uns hänn.
No sinn alli gueter Luune ...
bis mir ghöre, ass mir z Olte no dörfe ummstyyge.
Dört styygt d Stimmig wider, will mir unser eiges 6er-Abteil konfisziere. Numme
G&T hänn mir nümm! :-(