Es isch (leider) scho soo
lang här!
Was fallt mir ächt no zu de Marschiebige yy.
Dr Amtsschimmel und die arme
lärmplogte Münchesteiner (wo denn sicher alli an dr Fasnacht
ans Guggekonzärt göhn) zwingen uns, nach 20 Joor ändgültig uff d Grien 80 als
Marschiebigs-
ort z verzichte. Sovyl zu Tolleranz, gsundem Menscheverstand und Verbotitis!!
Also träffe mir uns also neu
in dr Langen Erle!
Anschiinend liide d Hirsche weeniger unter em Fasnachtslärm - me ka dämm je nach
Yystellig
au 'Fasnachtsmuusig' saage.
Bis zum Änteweiher dräffe mir no die eint oder anderi Clique: Fascht e Bitz Bummelstimmig!
Am Änteweiher gits e
verdiente Apéro mit de vo dr Sabine sälbergmachte und mega-feyne Faschte-
waihe.
En erschti musikalischi
Analyse: Kei Hirsch und Änte het mit Sälbschmord droht! Also
muess es gar nid eso schlächt tönt ha!
Bi G&T gits no gnueg z verhandle drey Wuche vor dr Fasnacht.
Zrugg gohts im Sauseschritt
(mit Unggle Sam, San Carlo, Retraite, Saggodos und Vaudois).
Durum sinn mir au scho bald wider am Ussgang vo dr Langen Erle.
Die zweiti Marschiebig:
Zunere Zyt, wo me dangg Lärmschutzbestimmig in Münchestei
jetzt scho tüüüüüf und gsuuund ka schloofe! Guet Nacht!
Und scho sinn mir bereit für
dr dritti Straich und ussgrüschtet mit allem, wo zunere
Marschiebig amene winterlige Oobe ghört (inkl. neuer Kappe).
Prominänz unter sich: Dr designierte Zugchef und d Frau vom Kinschtler! :-)
G&T ghört unbedingt drzue sunscht schaffe mir s nümme zrugg.
S letschte Mool drummle vor em Morgestraich!
Es gooht nümm lang!
Numme no vier Mool schloofe.
Daas hämmer scho no guet
gmacht:
Grad zwei potenzielle Fasnacht-Geburtstagskandidate hän mir bi de Schnäädis.
Daas Joor isch d Coni am Donnschrig vor dr Fasnacht an dr Reihe.
Dr Geburtstagstisch nach dr Marschiebig stooht scho barat.
Und für dr Morgestraich isch me au scho fascht grüschtet.
Wie d Zyt vergooht: Jetzt ka
d Coni scho mit ere familieintärne Serviertochter
ufftrumpfe.
D Bschtellig isch eifach: Ei Rundi 'Tschin und Tonik'! :-)
Dr Service isch perfäggt.
Hilfee, i ha kei Ärdnussflipp ka....
Är in dr Mitti het sicher alli ewäggstibitzt!
Und zum Schluss no e
Goschdüm-Presetazion: S Goschdüm isch zwar nid reversibel
aber me ka hinde vorne und vorne hinde traage. Dr Karl Lagerfäld hätts nid
besser
könne mache!