Am
Silveschtermorge am halbi elfi het dr Yysrääge d Umgääbig vo dr Orangerie im
Sarasin-
Park z Rieche in e Schliffi verwandlet.
Dr Countdown für dr Schnäädi-Jubileeums-Silveschter lauft.
S
Wichtigschte: In 6 Schtund sötts doo in 20 Grad warm si. Jetzt isch es 4 Grad
warm!
In dr erschte Schtund hets graucht und gschmeggt wie an dr Waldwiehnacht.
Erscht mit e Uffmache vo dr Lüftig (durch dr Emanuel) und em Yyheize (vom
Andreas -
är het in ere halbe Schtund zwei Steer Holz verbrennt :-)) ) isch es denn rassig
weermer
worde.
S
Kreativ-Comitee isch yydroffe!
Jetzt wird dr Ruum uffpimpt!
20 Joor Schnäädi-Fasnacht wärde representiert durch Sujet-Larve.
Am drey zmittag isch alles barat gsi!
Es isch halbi siibeni: D Geescht könne koo!
In dr Kuchi isch d Vorspiis au scho vorbereitet.
Kurz nach
em siibeni sinn alli doo. Bi Schinggegipfeli und Prosecco wird uff e guets
Glinge vom
Oobe aagstoosse.
Au d 'Kinder' hänn sich scho yygrichtet: Dr DVD lauft. Es stooht 'Ratatouille' uff em Programm.
S isch Zyt für die offizielli Eröffnig vom Oobe.
Nach dr
Aasprooch (si haltet sich zytlig im Rahme) folgt dr erschti Teil vom
Bilder-Querschnitt:
Fazit: Vor 20 Joor hänn mir alli none Bitz anders ussgseh ... au ohni Larve ...
:-))
Wie an dr Euro 08: E Glüggsfee zieht d Loos für d Ussloosig vom Schnäädi-Karaoke-Wettbewärb.
D Gruppe 1,
2 und 3 wärde ächti Killergruppe: Doo isch d Euro-Gruppe mit Holland, Italie,
Frankriich
und Rumänie grad e Drägg drgeege.
Vor em Gsang mien mir uns aber steerge - au mit Flüssigem!
Ratatouille im Färnseh, Fleisch im Pfännli, Ryys im Täller: Daas passt alles zämme.
D Spannig stygt...
I glaub bi däm Gspräch gooht s um s Abloo vo de Silveschter-Kracher.
E
Höhepunggt vom Oobe!
Alli sinn gspannt, denn uns erwyyst e Delegazion von ere Stammclique d
Reminiszänz.
E Premiere: Dr Arabi vomene Drummel- und emene Pfyffer-Noviz.
S gseht uss wie am Offizielle!
Und denn
isch es eso wyt:
Dr Caruso-Reige wird eröffnet mit emene Basler-Medley.
Dr Tonmeischter bereitet mit dr Liza Minelli die zweiti Darbietig vor.
... Schön ist es auf der Welt zu sein ...
Und jetzt isch scho d Maria Callas am trällere! :-))
Beobachtet
vom Manager und Ehemaa.
Är studiert scho an de Verpflichtige und näggschte Ufftritt vo siinere Frau
nooche.
Nid alles muess me ganz ärnscht näh!
Und jetzt dr Dean Martin, wo s an d Nordseeküschte verschlaage het.
Scho mit e paar Starallüre... :-))
S Pubikum -
öb alt oder jung - isch begeischteret.
Und d Highlight kömme erscht no.
Perfeggt
choreografisch vom Mauro de Soest yygstellt, singt d 'Ich und noonemol Ich'
öbbis vomene
Stärn.
Unverkennbar: D Nochbere vo dr Francine Jordi (uss em Ämmital) isch mehr als
numme e Konkuränz für d Francine. Numme weiss es die noonig.
D DJ Özine
het e stargge Background-Chor mit dr Little Özi drby. Uss einere
Kehle schängge si dr ganze Zuehörerschaft 'einen Stern'.
Hallo!! Doo singt d Crème de la Crème!! E Bitz mehr Begeischterig, bitte!
D Cindy und dr Bert könne bi däm Draumduo zämmepagge und nid numme am 'Sonntag'.
Dr näggscht Ufftrittstermin: Ändi Januar im 'Wetten dass'!
D
Karaoke-Veraastaltig losst d Zyt im Nu vergoh.
Fascht hätte mir s Neujoor verpasst.
Mit Prosecco und Partybombe begriesse mir s einezwanzigschte Schnäädi-Joor.
Entgeege em
ursprüngliche Zytplan warte mir mit em Dessert bis in neue Joor.
D Kuchimanschaft isch en yygspiilts Team.
Für e gsichereti Schnäädi-Musigg-Zukunft sorgt dr Nochwuggs.
Noonemol e
Knüller:
Ich war 16 und sie 31.... :-))
(Kei Outing sondern numme e Lied!)
'Dschingis
Kan, auf Brüder, sauft Brüder...'
Au daas: Numme e Lied und kei Ufforderig.
Vyl z schnäll - eigentlig wie immer bi de Schnäädis - gooht au dää Silveschter wider verby.
E perfeggti Uffruumaggzion bi perfeggtem Neujoors-Wätter.
Glehrt isch glehrt!
Nach
dreyviertel Schtund isch gruumt und putzt.
Und es längt no, zum noonemol uffs neue Joor aazstoosse.
See you again in 5 Years.