Am Vogel Gryff 2009

20. Jänner 2009:
E Hääre-Joor!
Doo die erschte Bilder vom Vogel Gryff
 

    

Kurz vor em zähni am Morge isch no alles ruehig.
S Wätter hebt.

    

E Hääre- Huus vo unde und dr Bligg vo oobe aabe.

Es isch no Zyt, ass dr Leu no Frooge vo de Hääfelischieler ka beantworte.

    

S Polizeiboot macht sich uff dr Wääg dr Rhy duruff und uff dr Mittlere Brugg besammle
sich langsam au Zueschauer.

    

Vo Wytem ghört me scho s Donnere vo de Böllerschüss.

    

Und gly druff aabe erschiint s Floss vom Wilde Maa.

    

Nääbenem Wilde Maa sinn uff em Floss d Bannerträger, d Kannonier und die glaadene
Gescht.

    

S längt: Under dr Brugg donnerets zwei Mool!

Jetzt warte mir uff dr Danz vo de drey Ehrezeiche.

    

E willkommeni Abwäggslig vom Kindergarte-Alltag isch e Bsuech am Vogel Gryff.

No dr einzig Daag, wo d Polizischte im Glaibasel die alte Döpf uff em Kopf hänn.

    

D Heggtigg stygt. Vo wytem gseht me scho d Banner vo de 3E.

    

Mit siim Tännli ka sich dr Wild Maa no sälber e Wääg durch d Menschemängi baahne.

    

Dr Leu und dr Vogel Gryff hänn doo scho mehr Mieh und bruuche allerlei Hilf.

    

    

Für dr Danz mien zerscht alli in Reih und Gliid uffgstellt wärde durch dr Meischter persönlig.

    

D Öpfel sinn schon ewägg.

Dr Wild Maa, ...

... dr Vogel Gryff ...

    

... und dr Leu ...

    

... erwiise im Hääre-Meischter d Reveränz.

    

Dr Marsch vo de drey Ehrezaiche het erscht grad aagfange und gooht no dr ganz Daag wyter.

    

Kurz vor em zwölfi versammlete me sich uff dr Mittlere Brugg.

    

Ein vo de Höhepunggt kunnt nöcher:

Dr Danz bim Käppelijoch.

    

    

Pünggtlig danze si uff dr Mitti vo dr Brugg.

    

Vo dr Spitz-Trerasse het me nodürlig au e gueti Usssicht.

    

Zrugg goht's ins Glaibasel.

    

Vor em Hotel Merian versammlet sichs Spiil vo dr 3E für der Marsch in d Mäss zum
Gryffemähli.

    

Via Gryffegass gohts in Richtig Claraplatz.

    

D Ehregeescht laufe grad in dr erschte Reihe hinter de Bannerherre.

Am Claraplatz zieht dr Zug wyter in d Clarastrooss.

    

Uns ziehts in die neui Rätz-Stadt under em Claraplatz.

    

    

    

Dr neu Ueli-Brunne stooht gly im Mittelpunggt vom Vogel Gryff-Gscheh.

Mir warte uff dr Vogel Gryff.

Nach em Danz vor em Hotel Basilisgg ...

    

... nöcheret sich s Spiil und d Begleiter em Brunne.

    

Si erwiise em Brunnestifter d Reveränz.

Während s Spiil in dr Kasärne sich zum Umtrungg zruggzieht, ziehts
uns ins Consi!

Mmmm... das Apöroplättli isch super!

Nach em Consi göhn mir zum Nachtässe in Schalander vom Alte Warteck.

    

Dört bsuecht is dr Vogel Gryff noonemol.

    

    

Scho s Aa- und Ableege vom Kopf vom Wilde Maa isch fascht e Zeremonie.

E letschti Verneigig und denn gohts ab uff d Strooss.

E neue Halt: Bim Hahn im tiefschst Glaibasel.

    

Vom Hahn goohts mit dr Begleitig vo den Olypmer zum Räbhuus.

    

    

Dr Vogel Gryff erwiist den Olymper vor em Räbhuss d Reveränz.

    

Mit de Stäggeladäärne voruus marschiere mir zum Kaffi Spitz.

Und Lüüt hets fascht wie an dr Fasnacht.