Kurz vor em zwölfi am
Nommidaag het der Schnäädi-Chlaus dr Ort vo dr Schnäädi-Waldwiehnacht
kurz inschpiziert. No hets Tauwätter dr wysse Pracht nid vyl könne aahaa.
Doo söll acht Schtund spöter dr Wiehnachtsbaum stooht und s Fyyr für d Schnäädi-Hotdog brenne!
Ab em Säggsi zoobe hänn mir
im Dunggle - wo daas Joor dangg em Schnee gar nid eso dunggel gsi
isch - uns aafoo iirichte. Und dangg de ussgwiisene Fyyr-Kenntnis vom Mauro het
scho gly e richtigs
Waldwiehnachts-Fyyr glooderet.
Mir sinn barat.
Dr Schnäädichlaus isch doo gsi und het d Päggli under dr Wiehnachtsbaum glegt.
Und dr Wääg isch au belüüchtet.
Am halbi achti trifft d Schnäädi-Waldwiehnachts-Delegazion in dr Hard yy!
S Fyyr raucht, wie 's sich ghört! :-)
D Würschtli und s Brot wird über em Fyyr gweermt.
Nääbenem Hotdog weermt auch dr Gliehwyy und sorgt für e gueti Schtimmig.
Es isch Zyt, zum d Päggli
usszpagge! Nodürlich erscht nach em Singe vo Wiehnachts-
lieder! (S Karaoke-Training zahlt sich uss!)
Au d Stadt isch in deere Zyt vom Wiehnachtsfieber paggt gsi.
Mir wünsche allne e schöni Wiehnachtszyt.
