Dr 17. Hornig 1997 isch 's ominöse Datum
gsi. So frieh isch d Fasnacht scho lang nimme gsi.
No dr Wiehnacht hänn im Schnällzugstempo d Vorberaitigsarbete aagfange: Goschdym
schnyydere, Larve baue, Ladärne moole, Zeedel dichte und so wyyter.
Und 's het nadyrlig glängt!
Am Mäntig am Morge am Vieri hänn die drey scheenschte Däg au fir uns wider aagfange:
D Fasitia het in die dunggli Nacht glychtet unterstitzt vo de Pfyffergläng und de Drummelschleeg vo uns und de andere Clique (ebbe e soo wie 's Fasnachtssuket ghaisse het, nämmlig "Zämme in d'Hoose")..
Am Noomidag isch 's denn erschte Mool uff der Cortège gange.
Vom Cortège meechte mr Eych e baar Bildli als Erinnerig zaige.
Uff dr näggschte Syte kah me d' Bilder uuswähle und aaluege.
Also wyyter goht's mit eme Gligg uff d Lampe do unde