D Fasnacht 1997

MIR §CHRYYBE FA(A)§NACHT(§-)RÄCHT

Im Vordraab laufe und ryte vom Deifel bsässeni Paragrapheryter

D Ladäärne zaigt die allmächtigi Fasnachtsjustizia mit em neie Rächt(schryybigs)buech, wo sait, was richtig und was falsch isch.

D Pfyffer sinn vom neie Rächt gfangeni Fasnächtler

Dr Tambour draumt von ere scheene rächtlose Fasnacht.Aer isch dr Robi Huet us dr Langen Erle.

En Erklärig fir die, wo no meh wänn wisse

Dr nei Duden isch dr Ussgangspunggt fir unser Sujet gsi. Aber ebbe nur dr Aafangspunggt. Was mir wänn schryybe, isch e neis Rächt fir d Fasnacht. Aber isch das d Leesig? D Fasnacht sell doch grad nit ebbis si, wo wie dr Alltag vo Rächt, Vorschrifte und Buesse prägt wird. D Fasnacht sell läbe und muess das au, wenn sie sich will wyterentwiggle. Villicht isch si denn an e 2050 e dreydäägigi Rave-Waver-Party. Nadyrlig kenne mir is das im Momänt au nit vorstelle, aber wär ka oder will sich no erinnere, ass me vor sächzig Joor am Cortège Mandolinekläng het kenne heere?