D' Goschdym-Schnyyderei & Vorberaitige 2003

Mitti Jänner isch es heegschti Zyt worde: Jetzt mien d'Goschdym zämmegnaiht wärde.
Die greeschte Sorge hänn is d' Biecherwirm gmacht. Aber die scho langi Erfahrig het unseri Naih-Expärtinne nid uss dr Rueh brocht und mit de richtige Hilfsmittel sinn scho bald uss Stoff, Stopfi und Faade richtigi Wirm entstande.

Mir hänn nid numme zwai Pfyfferverstärgige daas Joor gwunne sondern glychzytig au none ne neyi Naih-Profässorin, wo zaigt het, wie me in aim Arbetsschritt grad e ganze Aermel ins Goschdym ka naihe.