Dr letscht Aggt vo dr Fasnacht 2004 wird am Sunntig demorge am Zähni uff em Aescheblatz ereffnet.
E groossi
Schar Schnääderfräässigi Aggtivi und Passivi dräffe sich bim Hämmering Män.
E guete Blatz, wo au vor em grooss aakindete Rääge und Schturm wurdi schitze.
Zem Gligg hänn sich aber au an däm Sunntig aimool meh alli Wätterfreesch
ingglusiv em Kachelmaa, wo jo e diräggte Drooht zem Petrus het, tyyscht und
es isch bim enen kurze Räägeguss während em Mittagässe bliibe.