Aafang Februar
het's ärnscht gulte:
Im Doonschtig z'oobe sin mir in dr Grien 80 en erschts Mool go pfyffe und
go drummle.
'S het beraits
am erschten Oobe en Neyerig gäh:
Dr letschtsjährigi grooss aaglegti Gin Tonic-Fäldversuech het zaigt,
ass Gin Tonic nit uss em Zinnbächer drungge wärde kah. No bevor
's Comité sy Fasnachts-Bächer
vorgstellt het, hän mir unsere Mehrfachbächer richtig yygweiht.
Sotte mir in de näggschte Joor no wyyter waggse (mir wurden is fraie), längt die glaini Gin-Fläsche nimme fir dr Zwischehalt uff dr Marschiebig. Mir hänn mit greesere Exemplar fir alli Fäll scho vorgsorgt.
Bim Leere vomene soone gfillte Bächer losst sich au en erschtig Drummel- und Pfyff-Analyse vyyl loggerer aa.