'S isch drey demorge.
Dusse schneyt's ganz liicht.
In dr Gryffegass sueche mir e Blatz, wo am Vieri denn sicher kai Liechte meh brennt.
'S gooht no rund e viertel Schtund bis zum Morgestraich.
D' Morgestraichbsuecher zieht's scho vor em Viere ins Grossbasel.
E baar hänn nimme kenne warte und scho vor em Vieri mit em
Morgstraich aagfange.
Mir aber hänn gwartet, bis 's Liecht abgange isch.
Unseri Ladäärne strahlt und schtooht im Mittelpunggt vom Schnääderfräässige Morgestraich.
In dr erschte Pause am Märtplatz wird denn dr vierzigschti Geburtstag vom Andri gebiihrend gfyyrt.
Denne gooht's wyyter an die Freyi Schtrooss.
D' Ladäärne wird beglaitet vo de Vordrääbler mit de Schtäggeladäärne.
Und hinter de Ladäärne kemme d' Pfyffer und dr Dambuur.
 |
 |