Das isch wohl nit dr letschti Bligg zem Himmel an dääre Fasnacht.
In dryyssig Minute schtooht d'Ladäärne uff em Waage.
Anderi Joor
schteehn jetzt scho alli um d' Ladäärne.
Daas Joor verziehn mir iis ins Gschäft. Duss schneyt's und räägnet's zämme.
Genau uff die Viertel vor fimfi heert's uff räägne und schneye.
Letschti Vorberaitige fir's Yypfyffe.
D' Marschreihefolg wird besproche.
Und denn gooht's mit de Festspiil los.
Bi dr
Fasnacht mache mir kaini Kompromiss.
Mir wärde pfyffe und ruesse egal eb's schneyt oder scheen isch.
Mit emene groose und junge Vordraab marschiere mir ins Zentrum vom Glaibasel.
D' Schilder
zaiges aa.
Es isch Zyt fir e Pause.
Am Rhy halte mir wie jedes Joor.
Die Ainte mache d'Wyyswyy-Fläsche und d' Fasnachtskiechli uff und die andere hänn none Gegrafie-Schrund.
'S Poschtkarte-Basel.
D' Ladäärne wird enthillt.
'S fooht
wiider aafoo dropfe.
'S isch Zyt zem in Cliquekäller z'gooh.
Mit em San Carlo und em Unggle Sam schryyte mir rassig zrugg an d' Bryysacherstrooss.
D' Ladäärne wird parkiert.
 |
 |