Fir e Momänt schyynt sogar d' Sunne iber em Rhy und dr Groossbauschtell bim Hotel Drey Keenig - sunscht ains vo de Fasnachtsmekka.
Wie jedes Joor dräffe sich wiider Grooss und Glai bi dr
Milchbar an dr Heywoog.
Daas Joor hämmer wiider Versteergig griegt.
Die Glainere warte scho gschpannt uff's Abmarschiiere, während die Greessere 's langsam aageehn.
Uelis sinn Trumpf.
Und denn gooht's den ändlig loos zem Rimmeliplatz.
Im Zyschdigsnommidaagsgedrugg hänn mir unseri erschti Pause.
Bevor 's wyytergooht, spräche mir zämme dr wyyteri Wääg ab.
Und denne marschiere mir mit aim vo de mehrhaitsfähige Märsch wyyter. Daas Mool sinn's d' Feschtspiil.
D' Kinderfasnachtsquote bi de Dambuure hänn mir yyghalte: Zwai Glaini und ai Grosse.
Dr näggscht Halt isch aine am Barfi.
Dr Guggezyschdig kindet sich uff dr Strooss und mit der Biihni scho aa.
Aber no gheert dr Zyschdig de Kinder.
Wääge und Cique wäggsle sich ab.
Oha! Gheere die rächts nit uff Altstette?
 |
 |